Yeh kaun aaj mujhse takra gaya

Baatein hai alag, par bol hai wahi
Raste hai juda, par manzil hai wahi
Baaton mein apni uljha gaya, Kuch soye khwabon ko jaga gaya
Yeh kaun aaj mujhse takra gaya…

Hasratein hai kai, par chahat hai wahi
Tanha hai dil, par saathi koi nahi
Aakhon mein ghum ko chupa gaya, Kuch naye raag bhi suna gaya
Yeh kaun aaj mujhse takra gaya…

Zinda hai woh, par jeeta kyon nahi
Haara nahi hai, phir himmat karta kyon nahi
Apna aaina mujhe dikha gaya, haste haste woh rula gaya
Yeh kaun aaj mujhse takra gaya…

This entry was posted in Hindi Poetry. Bookmark the permalink.

Leave a Reply