Yeh hai mera yaar

She says:
Likh ke ruk jaana, ruk ke keh jaana
Aisi aadat hai mere yaar ki
Chal ke tham jaana, tham ke mud jaana
Aisi fitrat hai mere yaar ki

Dosti mein lad jaana, lad kar haq jataana
Aisi neeyat hai mere yaar ki
Labon pe hasi sajaana, hasi se gham chupana,
Aisi kismat hai mere yaar ki

Baaton mein uljha jaana, Uljhan mein khamoshi sun jaana
Aisi tarbiyat hai mere yaar ki
Bheed mein mera tanha rehna, tanhai mein gum ho jaana,
Aisi shikayat hai mujhse mere yaar ki

He says:
Sapno mein khushiyan dhoondhna, us khushi se phir mayoos ho jaana
Aisi masoomiyat hai mere yaar ki
Jazbaaton ke bahav mein beh jaana, jwaar ke khilaaf phir tair wapas aana
Aisi himmat hai mere yaar ki

Doston ka har mod saath nibhana, unke andhero mein ek lau jalana
Aisi shaksiyat hai mere yaar ki
Chhoti chhoti baaton par khil khilake hansna, hanste hanste phir ro jaana
Aisi harkat hai mere yaar ki

Aasaan nahin hai dosti nibhaana, aur usse bhi kathin hai sacche doston ko paana
Dua maango raat din aise yaar ki .

Credits: Var-shi

This entry was posted in Hindi Poetry, Nice, Romantic. Bookmark the permalink.

Leave a Reply